43
آسٹریلیا میں سونے کی کان گرنے سے ایک مزدور ہلاک ہوگیا۔
یہ واقعہ آسٹریلیا کے شہر بالرات میں پیش آیا جہاں سونے کی کان گرنے سے کئی مزدور ملبے تلے دب گئے۔
کان گرنے کا واقعہ زیر زمین پتھر سرکنے کے سبب پیش آیا اور حادثے کے وقت کان میں 31 کے قریب مزدور کام کر رہے تھے۔
واقعے کی اطلاع ملتے ہی ریسکیو ٹیمیں موقع پر پہنچ گئیں تھیں جنہوں نے 29 افراد کو ریسکیو کرکے محفوظ مقام پر منتقل کیا جبکہ ایک شخص کو چار گھنٹے کی محنت کے بعد زخمی حالت میں ریسکیو کرکے اسپتال منتقل کیا گیا۔
سونے کی کان وکٹری منرلز نامی کمپنی کی ملکیت ہے، جنہوں نے دکھ کا اظہار کرتے ہوئے حادثے میں ایک 37 سالہ شخص کے ہلاک ہونے کی تصدیق کی ہے۔