ابوظبی ایئرپورٹ پر مسافر کے معدے سے 5 ملین درھم کی کوکین برآمد

ابوظبی کے زاید انٹرنیشنل ایئرپورٹ پر حکام نے منشیات اسمگل کرنے کی بڑی کوشش ناکام بنادی گئی ہے۔

کسٹمز اور بارڈرز سکیورٹی کے جنرل ڈائریکٹوریٹ نے ایک مسافر سے کوکین کے 89 کیپسول برآمد کیے جن کا مجموعی وزن تقریبا 1198 گرام اور انٹرنیشنل مارکیٹ میں قیمت 5 ملین درھم ہے۔

کسٹم انسپکشن حکام کو جنوبی امریکی ملک سے آنے والے ایک مسافر پر شک ہوا، جدید اسکیننگ ڈیوائسز کے ذریعے معائنہ کیا گیا تو جسم میں غیرمعمولی اشیا کی موجودگی کے آثار ظاہر ہوئے۔

مسافر کو متعلقہ حکام کے حوالے کیا گیا جنہوں نے پیٹ میں چھپائے گئے 89 کیپسول برآمد کیے۔