52
امریکی وائٹ ہاؤس نے واضح کیا ہے کہ اسرائیل کو اسلحے کی فراہمی کے حوالے سے اس کی پالیسی میں کوئی تبدیلی نہیں آئی ہے۔
قومی سلامتی کونسل کے ترجمان جان کربی نے کہا کہ “اسرائیل کا حق اور فرض ہے کہ وہ حماس کے خطرے کے پیش نظر اپنا دفاع کرے۔ بین الاقوامی انسانی قانون کی پاسداری کرتے ہوئے اپنی حفاظت کرے۔ اپنے شہریوں کی جانیں بچائے۔
اسی طرح ہم اسرائیل کی جنگ میں حمایت کرنے کے لیے پرعزم ہیں۔ہم سات اکتوبر سے اپنے دیرینہ اتحادی کے ساتھ ہیں اوراسے اسلحے کی فراہمی جاری رکھے ہوئے ہیں۔ ہم یہ کرتے رہیں گے۔ ہماری پالیسی میں کوئی تبدیلی نہیں آئی ہے”۔