اسرائیل کے وزیر دفاع نے خبردار کیا ہے کہ لبنان کے ساتھ جنگ بندی کا وہ معاہدہ ٹوٹنے کا خدشہ پیدا ہو گیا ۔
اسرائیلی وزیر دفاع اسرائیل کاٹز کا کہنا ہے کہ معاہدے کے رو سے ضروری ہے کہ لبنانی فوج بفر زون میں حزب اللہ کے بنائے گئے انفراسٹرکچر کو بھی ختم کرے۔
ان کے مطابق یہ ایسا اقدام ہے جو ابھی تک نظر نہیں آیا۔
اسرائیلی وزیر دفاع کا کہنا تھا کہ اگر یہ شرائط پوری نہیں کی جاتیں تو معاہدہ باقی نہیں رہے گا اور اسرائیل اپنے طور پر اقدام کرنے پر مجبور ہو گا تاکہ اسرائیل کے شمالی علاقے میں رہنے والوں کی محفوظ طریقے سے واپسی ہو سکے۔
حزب اللہ کے رہنما نعیم قاسم نے ہفتے کے روز دھمکی دی تھی کہ اگر اس مہینے کے آخر تک اسرائیلی فوج نے علاقہ نہیں چھوڑا، تو ہمارے جنگجو اس پر حملے کر سکتے ہیں۔
سیز فائر کے پہلے مرحلے میں حزب اللہ کو اپنے جنگجو، ہتھیار اور دوسرا سامان لبنان کے جنوبی بارڈر سے دور لے جانا ہے جو کہ دریائے لیطانی کے شمال کی طرف واقع ہے۔
اسی طرح لبنان کے جنوبی علاقے پر حملے کرنے والے اسرائیل کے لیے ضروری ہے کہ وہ 60 روز کے اندر علاقے سے اپنی افواج نکال لے۔
