اسمارٹ فونز کی دنیا میں ایپل کا راج قائم

ایپل نے اسمارٹ فونز کی ریکارڈ فروخت کے بعد دنیا پر اپنا راج قائم کرلیا ہے۔ ایپل اپنے کامیاب ماڈلز کے ذریعے سام سنگ سے آگے نکل گیا ہے۔

انٹرنیشنل ڈیٹا کارپوریشن کے اعداد و شمارکے مطابق دنیا میں گزشتہ سال جو اسمارٹ فونز فروخت ہوئے ان میں سب سے زیادہ ایپل کے اسمارٹ فونز تھے جس کی شرح 20 فیصد سے زائد ہے۔

گزشتہ سال فروخت ہونے والے سام سنگ کے اسمارٹ فونز کی بات کی جائے تو دنیا بھر میں سام سنگ کے 19.4 فیصد اسمارٹ فونز فروخت ہوئے۔ اس طرح ایپل اپنے کامیاب ماڈلز کے ذریعے سام سنگ سے آگے نکل گیا۔

آئی ڈی سی کی رپورٹ میں کہا گیا کہ گزشتہ سال 2023 میں مجموعی طور پر ایک ارب 20 کروڑ اسمارٹ فونز فروخت ہوئے جو گزشتہ سال کے مقابلے میں تین فیصد کم ہیں۔

یہ بات بھی قابل ذکر ہے کہ اسمارٹ فون بنانے والی پانچ بڑی کمپنیوں کی فہرست میں ایپل اور سام سنگ کے علاوہ تین کمپنیاں شاؤمی، اوپو اور ٹرانشن ہیں، اور یہ چین کی کمپنیاں ہیں۔