111
امریکی ریاست پینسلوینیا کے شہر فلاڈیلفیا میں دو گروپوں کے درمیان فائرنگ کے تبادلے میں تین افراد زخمی ہو گئے
پولیس کے مطابق فلاڈیلفیا میں فائرنگ کا واقعہ دوپہر ڈھائی بجے اس وقت پیش آیا جب بدھ کو لوگ عید کی خوشیاں منانے کے لیے فلاڈیلفیا کے ایک پارک میں جمع تھے۔
فائرنگ کے دوران بھگدڑ مچ گئی اور لوگ محفوظ مقام کی تلاش میں بھاگتے دکھائی دیئے۔ پولیس کے مطابق فائرنگ کی وجہ معلوم نہیں ہو سکی۔
حکام نے بتایا کہ پانچ افراد کو حراست میں لے لیا گیا ہے جن میں ایک 15 سالہ بندوق بردار لڑکا بھی شامل ہے جو پولیس کی فائرنگ سے زخمی بھی ہوا ہے۔
پولیس کمشنر کے مطابق مشتبہ افراد میں چار مرد اور ایک خاتون شامل ہیں۔
