امریکہ کا نیٹو رکنیت کے لیے بھی یوکرین کی حمایت کااعلان

امریکہ بہت جلد یوکرین کے لیے مزید 2 ارب 30 کروڑ ڈالر کی فوجی امداد کا اعلان کرے گا۔

یہ بات امریکی وزیرِ دفاع لائیڈ آسٹن نے یوکرینی ہم منصب رُستم عمروف سے ملاقات کے دوران بتائی۔

لائیڈ آسٹن کا کہنا تھا کہ ہم معاہدہ شمالی بحرِ اوقیانوس کی تنظیم نیٹو کی رکنیت کے لیے بھی یوکرین کی حمایت کریں گے۔

امریکی وزیرِ دفاع نے کہا کہ یوکرین کو دیے جانے والے جدید ترین ہتھیاروں میں اینٹی ٹینک ہتھیار اور ایئر ڈیفینس انٹرسیپٹر نمایاں ہیں۔

فروری 2022 سے اب تک امریکہ نے روس کے خلاف ڈٹے رہنے کے لیے یوکرین کو 50 ارب ڈالر سے زیادہ کی فوجی امداد فراہم کی ہے۔

سابق امریکی صدر اور ری پبلکن صدارتی امیدوار ڈونلڈ ٹرمپ کُھل کر کہہ چکے ہیں کہ وہ دوبارہ صدر منتخب ہوئے تو یوکرین کو فوجی امداد کی مد میں امریکہ سے کچھ نہیں ملے گا۔