Friday, February 7, 2025, 7:50 PM
**جیوری نے ٹرمپ کو تمام 34 جرائم میں قصور وار قرار دے دیا **سابق صدر ڈونلڈ ٹرمپ کے خلاف ’ہش منی‘ کیس میں جیوری نے انہیں قصوروار قرار دیا ہے **فیصلے کے بعد صدر ٹرمپ نے ٹرائل کو غیر شفاف قرار دیا **جج متعصبانہ رویہ رکھتے تھے؛ ڈونلڈ ٹرمپ **اس فیصلے کے خلاف اپیل میں جائیں گے؛ ڈونلڈ ٹرمپ **فرد جرم میں ڈونلڈ ٹرمپ کو 34 الزامات کا سامنا تھا
بریکنگ نیوز
Home » بائیڈن نے اقتدارکے آخری دن 5 سزا یافتہ قیدیوں کو معافی دی

بائیڈن نے اقتدارکے آخری دن 5 سزا یافتہ قیدیوں کو معافی دی

دہشتگردی کے الزام میں قیدی پاکستانی ڈاکٹر عافیہ کا نام شامل نہیں

by NWMNewsDesk
0 comment

امریکی صدر جو بائیڈن نے اقتدار کے آخری دن پانچ سزا یافتہ قیدیوں کو معافی دے دی۔

دہشتگردی کے الزام میں قیدی پاکستانی شہری ڈاکٹر عافیہ صدیقی کا نام معافی پانے والوں میں شامل نہیں۔

وائٹ ہاؤس کے مطابق امریکی صدر بائیڈن نے 2 سزا یافتہ افراد کی سزاؤں کی مدت میں تبدیلی بھی کی ہے۔

معافی پانے والوں میں ڈیرل چیمبرز، مارکس موسیہ، رویداتھ راگبیر، ڈان لیونارڈ اورکیمبا اسمتھ شامل ہیں۔

banner

امریکی صدر نے رابن پیپلز اور مشیل ویسٹ کی سزاؤں میں کمی کردی ہے۔

خیال رہے کہ ڈاکٹر عافیہ صدیقی نے کل امریکی صدر جوبائیڈن سے معافی کی درخواست کی تھی۔ ڈاکٹر عافیہ صدیقی امریکہ میں ایک متنازع عدالتی فیصلےکے باعث 86 سالہ سزا کاٹ رہی ہیں۔

اپنے وکیل کے ذریعے گفتگو میں ڈاکٹرعافیہ صدیقی کا کہنا تھا کہ ‘مجھے امید ہےکہ میں بھلائی نہیں گئی اور مجھے امید ہےکہ ایک دن مجھے رہا کر دیا جائےگا، میں ناانصافی کا شکار ہوں، میرے لیے ہر دن اذیت ہے، یہ آسان نہیں ہے، ان شاء اللہ ایک دن میں اس عذاب سے آزاد ہو جاؤں گی’۔

ڈاکٹر عافیہ کے امریکی وکیل کلائیو اسٹافورڈ بھی صدارتی معافی کے لیے پرامید تھے۔ ان کا کہنا تھا کہ صدر بائیڈن یہاں تک کہ ٹرمپ انتظامیہ سے بھی معافی ملنےکا امکان ہے۔

خیال رہے کہ امریکی صدر جوبائيڈن کے دور صدارت کا آج آخری دن تھا اورکل یعنی 20 جنوری کو نومنتخب صدر ڈونلڈ ٹرمپ حلف اٹھائیں گے۔

مزید پڑھیے

مضامین

بلاگز

 جملہ حقوق محفوظ ہیں   News World Media. © 2024