Friday, June 13, 2025, 4:22 PM
**جیوری نے ٹرمپ کو تمام 34 جرائم میں قصور وار قرار دے دیا **سابق صدر ڈونلڈ ٹرمپ کے خلاف ’ہش منی‘ کیس میں جیوری نے انہیں قصوروار قرار دیا ہے **فیصلے کے بعد صدر ٹرمپ نے ٹرائل کو غیر شفاف قرار دیا **جج متعصبانہ رویہ رکھتے تھے؛ ڈونلڈ ٹرمپ **اس فیصلے کے خلاف اپیل میں جائیں گے؛ ڈونلڈ ٹرمپ **فرد جرم میں ڈونلڈ ٹرمپ کو 34 الزامات کا سامنا تھا
بریکنگ نیوز
Home » ایتھوپیا اور صومالیہ کے درمیان کشیدگی کے خاتمے کا معاہدہ

ایتھوپیا اور صومالیہ کے درمیان کشیدگی کے خاتمے کا معاہدہ

صومالیہ کی خود مختاری کے تحت ایتھوپیا کو سمندر تک رسائی کی ضمانت

by NWMNewsDesk
0 comment

ترک صدر رجب طیب ایردوان نے اعلان کیا ہے کہ افریقی ممالک صومالیہ اور ایتھوپیا ایک معاہدے پر پہنچ گئے ہیں۔

یہ معاہدہ ایک “تاریخی” قدم ہوگا جو قرن افریقہ کے دونوں پڑوسی ممالک کے درمیان کشیدگی کو ختم کرے گا۔

انقرہ میں صومالی صدر حسن شیخ محومد اور ایتھوپیا کے وزیر اعظم ابی احمد کے ساتھ مشترکہ پریس کانفرنس کے دوران ایردوآن نے کہا کہ انہیں امید ہے کہ یہ تاریخی معاہدہ موغادیشو اور ادیس ابابا کے درمیان امن اور تعاون پر مبنی ایک نئی شروعات کی طرف پہلا قدم ہو گا۔

ترکیہ کی طرف سے شائع کردہ معاہدے کے متن کے مطابق دونوں فریقوں نے “اختلافات اور متنازعہ مسائل کو ترک کرنے اور مشترکہ خوشحالی کی طرف تعاون کو مضبوطی سے آگے بڑھانے پر اتفاق کیا”۔

banner

متن کے مطابق دونوں ممالک نے تجارتی اور دوطرفہ معاہدوں کی منظوری کے لیے کام کرنے پر بھی اتفاق کیا جو ایتھوپیا کو “وفاقی جمہوریہ صومالیہ کی خود مختار اتھارٹی کے تحت سمندر تک قابل اعتماد، محفوظ اور پائیدار رسائی” کی ضمانت دے گا۔

اس مقصد کے لیے دونوں ممالک فروری کے اختتام سے پہلے تکنیکی بات چیت کا آغاز کریں گے جو زیادہ سے زیادہ چار ماہ تک جاری رہے گی۔ اس چیت کا مقصد دونوں ممالک کے درمیان اختلافات کو “بات چیت کے ذریعے دور کرنا ہے۔ اس حوالے سے جہاں انہیں ضرورت پڑی تو ترکیہ ان کی مدد کرے گا۔

صومالی صدر اور ایتھوپیا کے وزیر اعظم بدھ کے روز انقرہ گئے تاکہ ترکیہ کے زیر اہتمام مذاکرات کا ایک نیا دور شروع کیا جا سکے۔ مذاکرات کے دو ابتدائی ادوار کوئی خاص پیش رفت نہ ہو سکی تھی۔

انقرہ میں جون اور اگست میں ہونے والی پچھلی بات چیت کے دوران ترک وزیر خارجہ ہاکان فیدان نے براہ راست بات کیے بغیر اپنے ہم منصبوں کے درمیان شٹل دورے کیے تھے۔

ترکیہ نے ایتھوپیا اور صومالیہ کے درمیان موجودہ تنازعہ کو اس طرح حل کرنے کے مقصد کے ساتھ ثالثی کی جو ادیس ابابا کو صومالیہ کے ذریعے بین الاقوامی پانیوں تک رسائی کی ضمانت دیتا ہے، مگر اس سے موغادیشو کی خودمختاری متاثر نہیں ہوگی۔

مزید پڑھیے

مضامین

بلاگز

 جملہ حقوق محفوظ ہیں   News World Media. © 2024