Friday, February 7, 2025, 7:17 PM
**جیوری نے ٹرمپ کو تمام 34 جرائم میں قصور وار قرار دے دیا **سابق صدر ڈونلڈ ٹرمپ کے خلاف ’ہش منی‘ کیس میں جیوری نے انہیں قصوروار قرار دیا ہے **فیصلے کے بعد صدر ٹرمپ نے ٹرائل کو غیر شفاف قرار دیا **جج متعصبانہ رویہ رکھتے تھے؛ ڈونلڈ ٹرمپ **اس فیصلے کے خلاف اپیل میں جائیں گے؛ ڈونلڈ ٹرمپ **فرد جرم میں ڈونلڈ ٹرمپ کو 34 الزامات کا سامنا تھا
بریکنگ نیوز
Home » ایران نے ڈونلڈ ٹرمپ کو قتل کرنے کی کبھی کوئی سازش نہیں کی، مسعود پزشکیان

ایران نے ڈونلڈ ٹرمپ کو قتل کرنے کی کبھی کوئی سازش نہیں کی، مسعود پزشکیان

ہم نے کبھی ایسا کرنے کوشش نہیں کی اور ہم کبھی کریں گے بھی نہیں

by NWMNewsDesk
0 comment

ڈونلڈ ٹرمپ کے امریکی صدر کا عہدہ سنبھالنے سے چند روز قبل ایرانی صدر نے ایک بار پھر واضح الفاظ میں تردید کی ہے کہ ان کا ملک گزشتہ سال الیکشن مہم کے دوران ڈونلڈ ٹرمپ پر قاتلانہ حملے کی کسی سازش میں ملوث نہیں ہے۔

پہلی بار ایرانی صدر مسعود پزشکیان نے امریکی میڈیا کو دیے انٹرویو میں اپنے مؤقف کو دہرایا۔

مسعود پزشکیان نے تہران میں انٹرویو دیتے ہوئے کہا کہ ہم نے کبھی ایسا کرنے کوشش نہیں کی اور ہم کبھی کریں گے بھی نہیں۔

انہوں نے مزید کہا کہ یہ الزامات کہ ایران نے ڈونلڈ ٹرمپ کو قتل کرنے کی کوشش کی، یہ ’غیر ملکیوں کی اسکیموں‘ کا حصہ اور ایران و فوبیا ہے، ان کا اشارہ اسرائیل اور دیگر ممالک کی جانب تھا۔

banner

ایران کا جوہری مسائل پر مغربی ممالک کے ساتھ تناؤ اور امریکہ کے ساتھ تعلقات اور ڈونلڈ ٹرمپ کی جانب سے تہران پر پابندیاں بڑھانے کی حالیہ دھمکیوں پر مسعود پزشکیان نے الزام عائد کیا کہ امریکہ نےایران کو تباہ کرنے کی کوشش کی۔

ان کا کہنا تھا کہ مجھے امید ہے کہ ڈونلڈ ٹرمپ خطے اور دنیا میں امن کے لیے کام کریں گے، اور وہ خونریزی یا جنگ میں معاونت نہیں کریں گے۔

امریکہ اور مغربی ممالک کے ساتھ بات چیت کے بارے میں ایرانی صدر نے کہا کہ تہران نے اپنے جوہری پروگرام کے بارے میں ’تمام وعدوں کو برقرار رکھا‘، مزید کہنا تھا کہ لیکن، بدقسمتی سے دوسرا فریق نے اپنے وعدوں اور ذمہ داریوں پر عمل نہیں کیا۔

ایران پر امریکی۔اسرائیلی فوج کے ممکنہ حملے پر پوچھے جانے والے سوال پر مسعود پزشکیان کا کہنا تھا کہ کسی بھی ایکشن کا ردعمل دیں گے اور ایران کا دفاع کریں گے، انہوں نے زور دیا کہ ایران پر کوئی بھی حملہ ’سب کے لیے نقصان دہ ہوگا، صرف ایران کے لیے نہیں۔

غزہ میں حماس اور اسرائیل کے درمیان سیزفائر پر بات کرتے ہوئے انہوں نے کہا کہ ایران وہ کرتا ہے، جو خطے میں امن کے قیام کے لیے کیا جاسکتا ہے۔

مزید پڑھیے

مضامین

بلاگز

 جملہ حقوق محفوظ ہیں   News World Media. © 2024