ایران اسرائیل پر حملہ سے باز رہے : وائٹ ہاؤس

وائٹ ہاؤس میں قومی سلامتی کونسل کے ترجمان جان کربی کا کہنا ہے کہ ایرانی حملے کی صورت میں امریکا اسرائیل کے دفاع کا پابند ہے۔

کربی نے مزید کہا کہ حملے کے امکان کے حوالے سے کوئی پیش گوئی کرنا مشکل ہے تاہم وائٹ ہاؤس ایران کے موقف کو سنجیدگی سے لے رہا ہے۔

ترجمان نے کہا کہ ہم سمجھتے ہیں کہ وہ ابھی تک اچھی پوزیشن میں ہیں اور اگر انھوں نے ارادہ کر لیا تو وہ حملہ کرنے کے لیے تیار ہیں، اسی وجہ سے ہم نے خطے میں اپنی افواج میں اضافہ کر دیا ہے۔

کربی کے مطابق ایران کے لیے ہمارا پیغام یکساں تھا اور یکساں رہے گا

ہم چاہتے ہیں کہ ایران ایسا نہ کرے۔۔ اس معاملے کو بڑھانے کی کوئی وجہ موجود نہیں

کربی نے مزید کہ ایک جامع علاقائی جنگ شروع کرنے کی کوئی وجہ نہیں ۔ دوسرا یہ کہ اگر جنگ تک نوبت پہنچی تو ہم اسرائیل کے دفاع کے لیے تیار ہیں۔