برطانیہ: دہشتگردی کی سازش کے شبہے میں تین افراد گرفتار

برطانوی پولیس نے دہشتگردی کی سازش کے شبہے میں تین افراد کو گرفتار کرلیا ہے۔

بولٹن، گریٹ لیور، ابرام اور ہنڈلی ایریاز سمیت شمالی انگلینڈ کے چار مقامات پر چھاپوں کے دوران گرفتاریاں عمل میں لائی گئی ہیں۔

اسسٹنٹ چیف کانسٹیبل راب پوٹس کا کہنا ہے کہ گرفتار کیے گئے افراد سے پوچھ گچھ کی جائے گی تاہم دہشتگردی کی مبینہ سازش کی تفصیل نہیں بتائی گئی۔

پولیس کی جانب سے ملزمان کے نام اور شناخت ظاہر نہیں کی گئی تاہم گرفتار کیے گئے افراد کی عمریں 35، 36 اور 51 برس ہیں۔