Friday, February 7, 2025, 8:41 PM
**جیوری نے ٹرمپ کو تمام 34 جرائم میں قصور وار قرار دے دیا **سابق صدر ڈونلڈ ٹرمپ کے خلاف ’ہش منی‘ کیس میں جیوری نے انہیں قصوروار قرار دیا ہے **فیصلے کے بعد صدر ٹرمپ نے ٹرائل کو غیر شفاف قرار دیا **جج متعصبانہ رویہ رکھتے تھے؛ ڈونلڈ ٹرمپ **اس فیصلے کے خلاف اپیل میں جائیں گے؛ ڈونلڈ ٹرمپ **فرد جرم میں ڈونلڈ ٹرمپ کو 34 الزامات کا سامنا تھا
بریکنگ نیوز
Home » بشار الاسد کی معزولی کے بعد سعودی وزیر خارجہ کا پہلا دورہ شام

بشار الاسد کی معزولی کے بعد سعودی وزیر خارجہ کا پہلا دورہ شام

وزیر خارجہ شہزادہ فیصل بن فرحان اور شامی رہنما احمد الشرع کی ملاقات

by NWMNewsDesk
0 comment

سعودی وزیر خارجہ شہزادہ فیصل بن فرحان نے بشارالاسد کی معزولی کے بعد شام کا پہلا دورہ کیا ہے۔

عبوری شامی انتظامیہ کے رہنما احمد الشرع نے سعودی وزیر خارجہ شہزادہ فیصل بن فرحان کا استقبال کیا۔

دارالحکومت دمشق میں ہونے والی ملاقات کے دوران شام کی سلامتی، استحکام اور اتحاد کی حمایت پر توجہ مرکوز کی گئی۔

دونوں فریقوں نے شام میں سیاسی، انسانی اور اقتصادی حالات میں بہتری کی کوششوں کا جائزہ لیا، خاص طور پر شام پر عائد پابندیوں کو ہٹانے کے معاملے پر غور کیا گیا۔

banner

اسی طرح ’ملاقات میں شام میں استحکام کی بحالی اور اس کے قومی اداروں کی بحالی کے لیے ہر قسم کی مدد فراہم کرنے کی اہمیت پر زور دیا گیا۔‘

دمشق میں شامی رہنما کے ساتھ ایک پریس کانفرنس کے دوران شہزادہ فیصل بن فرحان نے کہا کہ سعودی عرب شام کے ساتھ کھڑا ہے۔ انہوں نے شام پر عائد ’تمام پابندیوں کو تیزی سے ہٹانے کی اہمیت‘ کی جانب اشارہ کیا۔

انہوں نے مزید کہا کہ ریاض ’تمام متعلقہ ممالک کے ساتھ فعال بات چیت میں مصروف ہے، چاہے وہ امریکہ ہو یا یورپی یونین اور ہم مثبت پیغامات سن رہے ہیں۔‘

واشنگٹن نے بشار الاسد کی معزولی کے بعد شام پر پابندیوں میں پہلے ہی نرمی کر دی تھی جبکہ یورپی یونین سے توقع کی جاتی ہے کہ وہ پیر کو اپنے اگلے وزرائے خارجہ کے اجلاس میں اس مسئلے کو حل کرے گی۔

مزید پڑھیے

مضامین

بلاگز

 جملہ حقوق محفوظ ہیں   News World Media. © 2024