Saturday, February 15, 2025, 2:14 PM
**جیوری نے ٹرمپ کو تمام 34 جرائم میں قصور وار قرار دے دیا **سابق صدر ڈونلڈ ٹرمپ کے خلاف ’ہش منی‘ کیس میں جیوری نے انہیں قصوروار قرار دیا ہے **فیصلے کے بعد صدر ٹرمپ نے ٹرائل کو غیر شفاف قرار دیا **جج متعصبانہ رویہ رکھتے تھے؛ ڈونلڈ ٹرمپ **اس فیصلے کے خلاف اپیل میں جائیں گے؛ ڈونلڈ ٹرمپ **فرد جرم میں ڈونلڈ ٹرمپ کو 34 الزامات کا سامنا تھا
بریکنگ نیوز
Home » بنگلہ دیش میں سرکاری نوکریوں میں کوٹہ سسٹم کیخلاف ملک گیر ہڑتال کا اعلان

بنگلہ دیش میں سرکاری نوکریوں میں کوٹہ سسٹم کیخلاف ملک گیر ہڑتال کا اعلان

جھڑپوں میں ہلاک ہونے والوں کی تعداد 6 ہوگئی

by NWMNewsDesk
0 comment

بنگلہ دیش میں سرکاری نوکریوں میں کوٹہ سسٹم کے خلاف طلبہ نے ملک گیر ہڑتال کا اعلان کردیا۔

بنگلہ دیش میں کوٹہ سسٹم کے خلاف طلبہ کا احتجاج جاری ہے اور طلبہ تنظیموں نے ملک گیر شٹر ڈاؤن ہڑتال کا اعلان کیا ہے۔

ہڑتال کے دوران تمام ادارے بند رہیں گے تاہم اسپتال اور ہنگامی ادارے فعال رہیں گے جب کہ ایمبولینس کو گزرنے کی اجازت ہوگی۔

دوسری جانب دو روز قبل کوٹہ سسٹم مخالف مظاہرین اور وزیراعظم حسینہ واجدکے حامی طلبہ ونگ کے درمیان ہونے والی جھڑپوں میں ہلاک ہونے والوں کی تعداد 6 ہوگئی ہے اور سیکڑوں طلبہ زخمی ہیں۔

banner

وزیراعظم حسینہ واجد نے 6 افراد کی ہلاکت پر تحقیقات کے لیے عدالتی کمیٹی بنانے کا اعلان کیا ہے۔

واضح رہےکہ بنگلہ دیش میں سرکاری نوکریوں میں کوٹہ سسٹم ختم کرنے کے لیے ہزاروں طلبہ کا احتجاج کئی دنوں سے جاری ہے، طلبہ نے ریلوے لائنز اور بڑی شاہراہیں بھی بلاک کر دیں جب کہ مطالبات کی منظوری تک احتجاج جاری رکھنے کا اعلان کیا ہے۔

بنگلہ دیش میں تمام اسکولز اور کالجز تاحکم ثانی بند ہیں جب کہ ڈھاکا اور دیگر شہروں میں کشیدگی پر قابو پانے کے لیے پیرا ملٹری فورسز تعینات کی گئی ہیں۔

بنگلہ دیش میں سرکاری ملازمتوں کا 56 فیصد حصہ کوٹے میں چلا جاتا ہے جس میں سے 30 فیصد سرکاری نوکریاں 1971کی جنگ میں لڑنے والوں کے بچوں، 10 فیصد خواتین اور 10فیصد مخصوص اضلاع کے رہائشیوں کے لیے مختص ہے۔

طلبہ کا مطالبہ ہےکہ سرکاری نوکریاں میرٹ پر دی جائیں اور صرف 6 فیصد کوٹہ جو اقلیتوں اور معذور افراد کے لیے مختص ہے اسے برقرار رکھا جائے۔

مزید پڑھیے

مضامین

بلاگز

 جملہ حقوق محفوظ ہیں   News World Media. © 2024