بھارتی ریاست گجرات کی پٹاخہ فیکٹری میں دھماکا،17 افراد ہلاک

بھارتی ریاست گجرات کی پٹاخہ فیکٹری میں دھماکے کے نتیجے میں17افرادہلاک ہوگئے۔

دھماکا ریاست گجرات کے ضلع بناس کانٹھا کی پٹاخہ فیکٹری میں ہوا۔

پٹاخہ فیکٹری میں دھماکےکےبعد آگ لگ گئی جبکہ دھماکےکے وقت فیکٹری میں تقریباً 30 مزدور کام کر رہے تھے۔

بھارتی میڈیا کے مطابق حادثے کے بعد فیکٹری کا مالک فرار ہوگیا ہے جبکہ حادثے کی وجوہات جاننے کے لیے پولیس تحقیقات جاری ہیں۔