بھارتی ریاست مہاراشٹرا میں ایک آرڈیننس فیکٹری میں زور دار دھماکہ ہوا جس کے نتیجے میں 8 افراد ہلاک ہوگئے۔
رپورٹ ک مطابق دھماکہ مہاراشٹرا کےضلع بھنڈارا میں واقع آرڈیننس فیکٹری کے ایل ٹی پی سیکشن میں ہوا۔
دھماکے کی آواز تقریباً 5 کلو میٹر دور تک سنی گئی،دھماکے کے بعد فیکٹری سے اٹھتے ہوئے دھویں کے سیاہ بادل دور تک دکھائی دیئے۔
ریسکیو ٹیموں نے فیکٹری کے ملبے تلے پھنسے 2 افراد کو زندہ نکال لیا جبکہ مزید امدادی کارروائیاں جاری ہیں۔
فائر حکام کے مطابق دھماکا اس قدر شدید تھا کہ اس سے فیکٹری کی چھت بھی نیچے آگری جس کے نیچے ورکرز دب گئے جن میں سے تین ورکرز کو زندہ نکالا گیا
وزیر اعلیٰ دیویندر فڈنویس نے بتایا کہ دھماکے کے وقت 14 کارکن فیکٹری کی چھت پر موجود تھے۔
آرڈیننس فیکٹری میں دھماکے سے ہتھیاروں کی ہینڈلنگ بھی متاثر ہوئی ہے۔
واضح رہے کہ اس سے قبل اکتوبر 2024 میں بھی بھارتی ریاست مدھیہ پردیش میں واقع آرڈیننس فیکٹری میں خوفناک دھماکا ہوا تھا جس میں متعدد افراد ہلاک اور زخمی ہوئے تھے۔
