جنوب مغربی جاپان میں ائیر ایمبولینس ہیلی کاپٹر جو ایک مریض کو اسپتال منتقل کر رہا تھا، سمندر میں گر کر تباہ ہوگیا، جس کے نتیجے میں 6 افراد میں سے 3 کی موت ہوگئی۔
جاپانی کوسٹ گارڈ کے مطابق، حادثے میں ہلاک ہونے والے افراد میں ایک ڈاکٹر، ایک مریض اور ان کے دیکھ بھال کرنے والا شخص شامل ہیں۔
کوسٹ گارڈ نے کہا کہ پائلٹ اور ہیلی کاپٹر کے مکینک اور نرس کو زندہ بچا لیا گیا ہے۔
ان تینوں کو ہیلی کاپٹر کے الٹنے کے بعد سمندر میں ٹکٹس کے ذریعے تلاش کیا گیا تھا اور انہیں ہائپوتھرمیا (سردی کی وجہ سے جسمانی درجہ حرارت کا بہت کم ہونا) کا سامنا تھا، لیکن وہ ہوش میں تھے۔
یہ حادثہ جاپان کے ناگاساکی صوبے کے تسوشیما ہوائی اڈے سے فکوؤکا جانے والے راستے پر پیش آیا۔
ہیلی کاپٹر، جسے جاپان میں ’ڈاکٹر ہیلی کاپٹر‘ کہا جاتا ہے، 1:30 دوپہر کو تسوشیما سے روانہ ہوا تھا۔
کوسٹ گارڈ نے امدادی کارروائی کے لیے دو طیارے اور تین جہاز روانہ کیے تھے۔ حادثے کی وجوہات جاننے کے لیے تحقیقات جاری ہیں، لیکن فی الحال حادثے کی وجہ واضح نہیں ہو سکی ہے۔
