جنوبی افریقہ میں 1994 میں نسلی پرستی کے خاتمے کے بعد سے پہلی مرتبہ نیلسن منڈیلا کی جماعت انتخابات میں اکثریت سے محروم ہوگئی۔
جنوبی افریقہ کی حکمران جماعت اے این سی کو حالیہ انتخابات میں صرف 40 فیصد ووٹ ملے ۔
اے این سی 30 سال میں پہلی مرتبہ انتخابات میں اکثریت حاصل نہ کرسکی۔
جنوبی افریقہ کی مرکزی اپوزیشن جماعت ‘ڈیموکریٹک الائنس’ کو تقریباً 21 فیصد ووٹ ملے، سابق صدر جیکب زوما کی’ایم کے پارٹی’ نے پہلے الیکشن میں ہی 14 فیصد ووٹ حاصل کرلیے۔
اپوزیشن جماعتوں نے انتخابی نتائج کو ایک اہم کامیابی قراردے دیا، اپوزیشن کا کہنا ہے کہ ملک شدید غربت اور عدم مساوات سے نبرد آزما ہے۔
اے این سی کو دوبارہ حکومت بنانےکے لیے اتحاد کا سہارا لینا پڑے گا۔
29 مئی کو ہونے والے انتخابات میں 2 کروڑ 77 لاکھ ووٹر رجسٹرڈ تھے تاہم انتخابات میں ووٹر ٹرن آؤٹ 58.61 فیصد ہی رہا جو گزشتہ 30 برسوں میں جنوبی افریقہ میں سب سے کم ووٹر ٹرن آؤٹ ہے۔
