ملک میں مارشل لاء کی کوشش کے معاملے جنوبی کوریاکے آرمی چیف پارک آن سو نے استعفیٰ دینے کی پیشکش کی ہے۔
پارک جنوبی کوریا کے مارشل لا ایڈمنسٹریٹر تھے مگر انہوں نے آج پارلیمنٹ کو بتایا کہ ان کا صدر کے مارشل لاء نافذ کرنے کے اعلان سے معمولی سا تعلق تھا۔
آرمی چیف پارک آن سو نے کہا کہ ہم فوج کے پیشہ ورانہ کاموں میں ماہر ہیں اور ہم مارشل لاء (فوجی حکومت) میں ماہر نہیں ہیں۔
ممکنہ طور پر صدر کو مارشل لاء لگانے کی تجویز دینے والے کوریاکے وزیردفاع کا استعفیٰ بھی منظور کرلیا گیا ہے۔
واضح رہے کہ جنوبی کوریا کے صدر نے 2 روز قبل ملک میں مارشل لاء نافذ کردیا تھا مگر بعد ازاں پارلیمنٹ کی جانب سے مارشل لاء کے خلاف ووٹ دیے جانے پر انہوں نے مارشل لاء اٹھانے کا اعلان کردیا۔
ملک میں مارشل لاء کے ختم ہونے کے بعد جنوبی کوریا کی پارلیمنٹ نے صدر کے خلاف مواخذے کی تحریک جمع کرائی تھی۔
