’جو’ آپ کو برطرف کر دیا گیا ہے؛ ٹرمپ کا ٹویٹ

امریکی صدر ڈونلڈ ٹرمپ نے اپنے پیش رُو جو بائیڈن کی سیکیورٹی کلیئرنس منسوخ کر دی ہے

امریکی صدر ڈونلڈ ٹرمپ نے اپنے ٹروتھ سوشل نیٹ ورک پر کہا ’جو، آپ کو برطرف کر دیا گیا ہے‘۔

ٹرمپ نے اپنے ٹروتھ سوشل نیٹ ورک پر کہا کہ ’جو بائیڈن کی خفیہ معلومات تک رسائی جاری رکھنے کی کوئی ضرورت نہیں ہے‘۔

انہوں نے مزید کہا کہ ڈیموکریٹس کی سیکیورٹی کلیئرنس منسوخ کی جارہی ہے، اور روزانہ کی انٹیلی جنس بریفنگ بھی ختم کر رہے ہیں۔

امریکی صدر نے لکھا کہ انہوں (جو بائیڈن) نے یہ روایت 2021 میں ڈالی تھی جب انہوں نے انٹیلی جنس کمیونٹی سے یہ کہا تھا کہ امریکا کے 45 ویں صدر (ڈونلڈ ٹرمپ) کو قومی سلامتی سے متعلق معلومات تک رسائی روک دی جائیں۔

ڈونلڈ ٹرمپ نے لکھا کہ ایک رپورٹ میں انکشاف ہوا ہے کہ جو بائیڈن کو بھولنے کی بیماری لاحق ہے، حتیٰ کے ان کے دور صدارت میں بھی حساس معلومات شیئر کرنے کے حوالے سے ان پر بھروسہ نہیں کیا جا سکتا تھا، میں قومی سلامتی کی ہمیشہ حفاظت کروں گا، جو بائیڈن آپ کو نکال دیا گیا ہے۔

واضح رہے کہ امریکی صدور کو روایتی طور پر عہدہ چھوڑنے کے بعد بھی حفیہ معلومات پر بریفنگ حاصل کرنے کا حق دیا جاتا ہے۔