جوبائیڈن کا جمی کارٹر کی سرکاری اعزاز کیساتھ تدفین کا اعلان

امریکی صدر جوبائیڈن نے سابق صدرجمی کارٹر کی سرکاری اعزاز کے ساتھ تدفین کا اعلان کیا ہے۔

سابق امریکی صدر جمی کارٹر اتوار کی دوپہر جارجیا میں اپنے گھر پر انتقال کرگئے، ان کی عمر 100 برس تھی۔

جمی کارٹر پہلے امریکی صدر تھے جنہوں نے 100 سالہ زندگی پائی۔

امریکی صدر جو بائیڈن نے اپنے بیان میں کہاہے کہ امریکہ اور دنیا نے ایک غیر معمولی رہنما ، سیاستدان اور انسان دوست کو کھو دیا۔

جو بائیڈن کا کہنا تھا کہ جمی کارٹر کی شخصیت اصول، ایمان اور انسان دوستی کی علامت تھی، جوشخص مقصد اور بامعنی زندگی گزارنے کا مطلب جاننا چاہتے ہے وہ جمی کارٹر کا مطالعہ کرے۔

واضح رہے کہ جمی کارٹرامریکہ کے39 ویں صدر تھے۔ ان کا تعلق ڈیموکریٹک پارٹی سے تھا۔انہوں نے 1977 سے 1981 تک امریکا کے صدر کے طور پر ذمہ داریاں نبھائیں۔