روس کے شہر وولگوگراڈ کی جیل میں قید داعش کے جنگجوؤں نے عملے کو یرغمال بنالیا
روسی حکام کے مطابق ڈسلپنری کمیشن کی سماعت کے دوران 4 خنجر بردار قیدیوں نے جیل کا کنٹرول سنبھال کر عملے کو یرغمال بنا لیا
روسی انفارمیشن ایجنسی کے مطابق قیدیوں نے اس دوران جیل میں موجود چار اہلکاروں کوچاقو کے وار کرکے زخمی کردیا جو بعد ازاں زخموں کی تاب نہ لاتے ہوئے چل بسے
حکام کا کہنا ہے کہ روسی نیشنل گارڈز کے خصوصی دستوں جوابی ایکشن میں نے جیل کے ملازمین کو یرغمال بنانے والے چار قیدیوں کو گولیاں مار کر ہلاک کردیا
انہوں نے مزید کہا کہ جیل کے آٹھ ملازمین اور چار مجرموں کو یرغمال بنایا گیا تھا۔ حملے کے مجرموں کی طرف سے شائع کردہ ویڈیو کلپس میں سے ایک میں مرنے والے خون میں پڑے ہوئے دکھائی دے رہے تھے۔ ان میں سے ایک کو ذبح کیا گیا تھا۔
اس واقعے میں ملوث قیدیوں میں سے ایک نے دیسی ساختہ دھماکہ خیز جیکٹ پہنی ہوئی تھی اور دوسرے کے پاس چاقو اور ہتھوڑے تھے
ایک اور ویڈیو کلپ میں چار حملہ آوروں کو دکھایا گیا ہے جن میں کم از کم دو چاقو اٹھائے ہوئے ہیں۔ ان میں سے ایک داعش کا جھنڈا اٹھائے ہوئے ہے۔
چار مشتبہ افراد تاجکستان اور ازبکستان کے شہری ہیں اور ان میں سے تین کو منشیات سے متعلق جرائم کے ارتکاب اور چوتھے کوقتل کرنے کے الزام میں قید کیا گیا تھا۔
