سعودی عرب نے پاکستان اور انڈیا کے درمیان امریکی ثالثی میں ہونے والی جنگ بندی کا خیرمقدم کرتے ہوئے اس امید کا اظہار کیا کہ’ اس سے خطے میں سلامتی اور استحکام کی بحالی کی راہ ہموار ہوگی۔‘
سعودی وزارت خارجہ نے ایک بیان میں مملکت کی جانب سے دانشمندی اور تحمل کا مظاہرہ کرنے پر دونوں ملکوں کی تعریف کی۔
بیان میں تنازعات کو مذاکرات اور پرامن ذرائع سے حل کرنے کے لیے اپنی سپورٹ کا اعادہ کیا۔
اچھے ہمسائیگی کے اصولوں کی پیروی پر زور دیا جس سے دونوں ملکوں اور ان کے عوام کےلیے امن و خوشحالی کو فروغ ملے۔
یاد رہے سعودی وزیر خارجہ شہزادہ فیصل بن فرحان نے پاکستانی وزیر خارجہ اسحاق ڈار اور انڈین وزیر خارجہ ڈاکٹر ایس جے شنکر سے علیحدہ علیحدہ ٹیلیفونک رابطہ کیا تھا۔
رابطے کے دوران پاکستان اور انڈیا کے وزرائے خارجہ سے خطے کی حالیہ صورتحال پر تبادلہ خیال کیا ہے۔
شہزادہ فیصل بن فرحان نے دونوں رہنماؤں سے رابطوں کے دوران کشیدگی میں کمی، تصادم کو روکنے اور جاری عسکری محاذ آرائی کے خاتمے کے لیے کی جانے والی کوششوں پر بات چیت کی۔
وزیر خارجہ نے دونوں رہنماؤں سے رابطے میں اس بات پر زور دیا کہ سعودی عرب علاقائی امن و استحکام کا خواہاں ہے اور دونوں دوست ممالک کے ساتھ اس کے قریبی اور متوازن تعلقات ہیں۔
اس سے قبل سعودی وزیر مملکت برائے خارجہ امور عادل الجبیر نے ایک روزہ دورے پراسلام آباد میں وزیراعظم شہباز شریف اور وزیر خارجہ اسحق ڈار سے ملاقات بھی کی تھی۔
