وسطی سوڈان کی ریاست الجزیرہ میں ریپڈ سپورٹ فورسز پر حملے میں 13 افراد کو گولی مار کر ہلاک کر دیا گیا۔
اریپڈ سپورٹ فورسز کی جانب سے ریاست الجزیرہ کے مشرق میں واقع قصبے الھلالیہ میں شہریوں پر فائرنگ کے نتیجے میں 13 افراد ہلاک ہو گئے۔
یہ قصبہ ریاست کے دارالحکومت سے 70 کلومیٹر شمال میں واقع ہے۔
گزشتہ ماہ فوج کے زیر کنٹرول اس ریاست میں ریپڈ سپورٹ فورسز کے حملوں کے نتیجے میں 124 افراد ہلاک اور کم از کم 1لاکھ 20ہزارافراد نے نقل مکانی کی۔
اس ماہ کے آغاز میں سوڈانی فوج نے اپنے ٹیلی گرام اکاؤنٹ پر خود مختاری کونسل کے چیئرمین عبدالفتاح البرہان کی تصاویر نشر کیں۔
سوڈانی فوج نے تصدیق کی ہے کہ وہ اسستحکام حاصل کرنے تک خطے میں اپنی فوجی نقل و حرکت جاری رکھے گی۔
سوڈان میں اپریل 2023 کے وسط میں البرہان کی زیرقیادت فوج اور اس کے اتحادی اور سابق نائب محمد حمدان دقلو (حمیدتی) کی زیر قیادت ریپڈ سپورٹ فورسز کے درمیان لڑائیاں شروع ہوئی تھیں۔
انٹرنیشنل آرگنائزیشن فار مائیگریشن کے مطابق جنگ سے دسیوں ہزار افراد جاں بحق اور 11ملین سے زیادہ افراد بے گھر ہوگئے ہیں۔ بے گھر ہونے والوں میں سے 3.1ملین افراد ملک سے باہر چلے گئے ہیں۔
