شام کے عبوری ربراہ احمد الشرع کا ہيئت التحرير کی تحلیل کا اعلان

بشار الاسد حکومت کا تختہ الٹنے والی فورسز کے سربراہ اور ملک کے عبوری رہنما احمد الشرع نے ڈائیلاگ کانفرنس میں ہيئت التحرير الشام کی تحلیل کا اعلان کردیا

احمد الشرع کا کہنا تھا شام میں آئین کی تیاری میں 3 سال تک لگ سکتے ہیں اور انتخابات کے انعقاد میں 4 سال لگ سکتے ہیں۔

ان کا کہنا تھا شام کے روس کے ساتھ اسٹریٹجک مفادات ہیں، ہم نہیں چاہتے روس شام سے تعلقات کو غیر موزوں طریقے سے چھوڑ دے۔

احمد الشرع کا کہنا تھا شام کی وزارت دفاع کرد فورسز کو اپنی صفوں میں ضم کرے گی۔

انھوں نے کہا کہ امید ہے ٹرمپ انتظامیہ شام پر سے پابندیاں اٹھا لے گی۔

خیال رہے کہ شام میں اپوزیشن فورسز نے گزشتہ ماہ ملک کے بڑے شہروں پر قبضہ کرتے ہوئے سابق صدر بشار الاسد کو ملک سے فرار ہونے پر مجبور کر دیا تھا۔

بشار الاسد اپنی فیملی کے ساتھ روس فرار ہو گئے تھے جہاں انہوں نے سیاسی پناہ لے لی ہے۔