حماس اور اسرائیل کے درمیان دوسرے مرحلے کے مذکرات جاری رہیں گے: امریکہ

امریکہ کے نمائندہ خصوصی برائے مشرق وسطیٰ اسٹیو وٹکوف نے کہا ہے کہ حماس اور اسرائیل کے درمیان غزہ جنگ بندی کے دوسرے مرحلے کے لیے مذکرات اس ہفتے جاری رہیں گے۔

اسٹیو وٹکوف نے کہا کہ ابھی تک یہ طے ہونا باقی ہے کہ یہ مذاکرات کہاں ہوں گے۔

اسٹیو وٹکوف نے بتایا کہ ان کی اسرائیلی وزیراعظم نیتن یاہو، قطر کے وزیراعظم شیخ محد بن عبدالرحمان الثانی اور مصر کے انٹیلی جنس کے ڈائریکٹر جنرل سے تعمیری باتیں ہوئی ہیں۔

اسٹیووٹکوف نے کہا کہ ان کی فیز ٹو کے مذاکرات کی ترتیب اور دونوں اطراف کے موقف کو سامنے لانے کے حوالے سے بات ہوئی تاکہ ہمیں معلوم ہوسکے کہ ہم کہاں کھڑے ہیں۔ اس ہفتے بات چیت کو جاری رکھیں گے تاکہ ہم یہ جان سکیں کہ دوسرے مرحلے کے کامیابی کے ساتھ اختتام تک کیسے پہنچنا ہے۔