Friday, February 7, 2025, 8:31 PM
**جیوری نے ٹرمپ کو تمام 34 جرائم میں قصور وار قرار دے دیا **سابق صدر ڈونلڈ ٹرمپ کے خلاف ’ہش منی‘ کیس میں جیوری نے انہیں قصوروار قرار دیا ہے **فیصلے کے بعد صدر ٹرمپ نے ٹرائل کو غیر شفاف قرار دیا **جج متعصبانہ رویہ رکھتے تھے؛ ڈونلڈ ٹرمپ **اس فیصلے کے خلاف اپیل میں جائیں گے؛ ڈونلڈ ٹرمپ **فرد جرم میں ڈونلڈ ٹرمپ کو 34 الزامات کا سامنا تھا
بریکنگ نیوز
Home » غزہ جنگ بندی معاہدہ ہماری تاریخی کامیابی ہے: ٹرمپ

غزہ جنگ بندی معاہدہ ہماری تاریخی کامیابی ہے: ٹرمپ

امریکی تاریخ میں ملک بدری کا سب سے بڑا پروگرام شروع کروں گا

by NWMNewsDesk
0 comment

نومنتخب امریکی صدر ڈونلڈ ٹرمپ نے کہا ہے کہ غزہ جنگ بندی معاہدے سے خطے میں امن بحال ہو گا، جنگ بندی معاہدہ ہماری تاریخی کامیابی کا نتیجہ ہے، یہ مشرق وسطیٰ میں امن کیلئے پہلا قدم ہے۔

واشنگٹن میں ریلی سے خطاب کرتے ہوئے نومنتخب امریکی صدر ڈونلڈ ٹرمپ کا کہنا تھا کہ خوشی ہے یرغمالیوں کی رہائی ہوئی، آنیوالی امریکی انتظامیہ نے تین ماہ سے کم عرصے میں یہ کامیابی حاصل کی، بائیڈن چار سال میں وہ نہ کر سکے جو میرے عہدہ سنبھالنے سے قبل ہو گیا۔

انہوں نے کہا کہ ایران کے پاس اب حزب اللہ یا حماس کے لئے پیسہ نہیں، مشرق وسطیٰ کیلئے میرے نامزد ایلچی کی وجہ سے غزہ معاہدہ ہوا، جنگ بندی معاہدے سے خطے میں پائیدار امن قائم ہوگا۔

ڈونلڈ ٹرمپ کا کہنا تھا کہ ہم نے الیکشن میں بڑی اکثریت سے کامیابی حاصل کی، ہم ایک بار پھر امریکہ کو عظیم بنانے جارہے ہیں، امن وامان بحال کریں گے، تاریخی رفتار اور طاقت کے ساتھ کام کریں گے، امریکا کو پہلے سے زیادہ مضبوط بنائیں گے، غیر قانونی تارکین وطن کی آمد روک کر سرحد کو محفوظ بنائیں گے۔

banner

نومنتخب امریکی صدر نے کہا کہ دنیا بھر سے جرائم پیشہ گروہوں کو امریکہ بھیج دیا گیا،دیگر ممالک نے اپنے جرائم پیشہ افراد کو یہاں بھیج کر ان سے نجات حاصل کی۔

ان کا کہنا تھا کہ امریکی سرزمین پر موجود تمام جرائم پیشہ تارکین وطن کو نکالیں گے، امریکی تاریخ میں ملک بدری کا سب سے بڑا پروگرام شروع کروں گا

انھوں نے کہا کہ امریکہ کی آزاد بارڈر پالیسی کا خاتمہ کریں گے، غیر قانونی تارکین وطن کی آمد روک کر سرحد کو محفوظ بنائیں گے، اپنے شہریوں کی ترجیحات اور ضروریات کو پہلے رکھیں گے۔

ڈونلڈ ٹرمپ نے کہا کہ افغانستان کو اربوں ڈالر کی امداد کے باوجود جوبائیڈن نے جنگی سازو سامان طالبان کے سپرد کر دیا، افغانستان سے امریکی جنگ سازو سامان کو بھی واپس لیا جائے گا، بائیڈن کے تمام ایگزیکٹو آرڈرز منسوخ کردوں گا۔

امریکہ میں ٹک ٹاک کی بحالی کا اعلان کرتے ہوئے ڈونلڈ ٹرمپ کا کہنا تھا کہ ٹک ٹاک بحال ہو چکا ہے، مجھے ٹک ٹاک پسند ہے،امریکہ کو ٹک ٹاک کی نصف ملکیت حاصل کرنی چاہئے، ٹک ٹاک کی مارکیٹ کیپٹلائزیشن کھربوں ڈالر تک پہنچ سکتی ہے۔

مزید پڑھیے

مضامین

بلاگز

 جملہ حقوق محفوظ ہیں   News World Media. © 2024