فلسطین کی مزاحمتی تحریک حماس نے غزہ کی انتظامیہ اور مغربی پٹی میں کمیونٹی سپورٹ کمیٹی کے قیام کے حوالے سے مصر کی تجویز سے اتفاق کرنے کا اعلان کردیا ہے۔
حماس نے ایک بیان میں کہا کہ حماس اور فتح کے وفود نے قاہرہ میں اپنی مشاورت ختم کر دی ہے۔ اس مشاورت میں دونوں تحریکوں کے درمیان اختلافات کو ختم کرنے اور غزہ کے معاملات کے انتظام میں مشترکہ رابطہ کاری اور تعاون پر اتفاق کیا گیا ہے۔
انہوں نے کہا کہ بات چیت میں جامع معاہدوں پر عمل درآمد کے لیے اتفاق کیا گیا تھا۔ قومی اتحاد کی تشکیل اور تقسیم اور اس کے متعدد اثرات کو مکمل طور پر ختم کرنے پربھی اتفاق کیا گیا۔
حماس نے مزید کہا کہ تحریک کے وفد نے شرکا کو جامع قومی میکانزم کے ذریعے کمیونٹی سپورٹ کمیٹی کے قیام کے حوالے سے مصر کی طرف سے پیش کردہ تجویز کی منظوری سے آگاہ کیا۔
حماس کے ساتھ قاہرہ میں ملاقات کرنے والا فتح کا وفد مذاکرات کے نتائج فلسطینی صدر ابو مازن محمود عباس کے سامنے پیش کرے گا تاکہ اس بات پر تبادلہ خیال کیا جا سکے۔ اس کے بعد تحریک فتح کی جانب سے نتائج کا باضابطہ اعلان اتفاق کیا جائے گا۔
