فرانس کے مشرقی شہر میں چاقو حملہ، ایک ہلاک

فرانس کے مشرقی شہر ملہاؤس میں چاقو کے حملے میں ایک شخص ہلاک جبکہ تین زخمی ہو گئےہیں

فرانس کے انسداد دہشت گردی کے پراسیکیوٹر کے دفتر نے بتایا کہ وہ واقعے کی تحقیقات کر رہے ہیں۔

بیان میں کہا گیا ہے کہ ایک شخص نے ملہاؤس شہر میں مقامی پولیس اہلکاروں پر اللہ اکبر کا نعرہ لگاتے ہوئے حملہ کیا۔

حکام نے بتایا کہ ایک راہگیر مداخلت کرنے کی کوشش میں مارا گیا جبکہ تین پولیس اہلکار زخمی ہوئے ہیں۔

حکام کا کہنا ہے کہ مشتبہ شخص کو گرفتار کر لیا گیا ہے۔

فرانس کے صدر ایمانوئل میکخواں ملہاؤس میں ہونے والے چاقو حملے کو ’اسلامسٹ ٹیررازم‘ قرار دیا ہے۔

ایمانوئل میکخواں نے صحافیوں کو بتایا کہ ’یہ بلاشبہ اسلامسٹ ٹیررازم کی کارروائی ہے۔‘

انہوں نے بتایا کہ وزیر داخلہ ملہاؤس جا رہے ہیں۔