پاکستان کے سب سے بڑے صوبے پنجاب کے شہر فیصل آباد میں مسلح افراد نے تھانے میں گھس کر زیر حراست تین بھائیوں کو موت کے گھاٹ اتار دیا۔
پولیس کے مطابق 6 ملزمان تھانہ صدر تاندلیانوالہ کی عقبی دیوار سے سیڑھیاں لگا کر داخل ہوئے، پولیس اہلکاروں کے کمروں کو باہر سے کنڈیاں لگائیں اور حوالات میں بند قیدیوں پر فائرنگ کردی۔
مسلح افراد کے حملے میں زیر حراست تین سگے بھائی مارے گئے جبکہ جبکہ ایک ملزم زخمی ہو ا ہے۔
پولیس کے مطابق ملزمان کو دیرینہ دشمنی کی وجہ اورمحفوظ رکھنے کے لیے سٹی کی بجائے تھانہ صدر تاندلیانوالہ میں بند کیا گیا تھا۔
پولیس ترجمان نے مزید بتایا کہ مقتولین بلال، عثمان، ناصر اور کزن آصف کو تھانہ سٹی تاندلیانوالہ پولیس نےقتل اور دہشتگردی کے مقدمہ گرفتار کیاتھا۔
پیر کو پنجاب پولیس کے ترجمان نے ایک بیان میں کہا کہ ایس پی انوسٹی گیشن فیصل آباد اور سی آئی اے ٹیموں نے فائرنگ میں ملوث چھ مشتبہ افراد کو حراست میں لے لیا۔
بیان میں کہا گیا ہے کہ قتل دیرینہ دشمنی کا شاخسانہ ہے، مقتولین پر کھرل برادری کے افراد کے قتل کا الزام تھا۔
