پاکستان ایئرپورٹس اتھارٹی ( پی اے اے) نے لاہور اور کراچی فضائی حدود بحال کردی، سول ایوی ایشن اتھارٹی پاکستان نے نیا نوٹم جاری کر دیا۔
پی اے اے کی جانب سے نئے جاری کردہ نوٹم میں کہا گیا ہے کہ آپریشنل پابندیوں کے دوران ائیر اسپیس کو 48 گھنٹوں کے لیے معطل کیا گیا تھا، رات کو پابندی کے نتیجے میں متاثرہ فضائی حدود اب مکمل طور پر دستیاب ہے۔
نوٹم میں کہا گیا ہے کہ علاقائی صورت حال کے پیش نظر مسافروں کو مشورہ دیا جاتا ہے کہ وہ اپنی متعلقہ ایئرلائنز سے قریبی رابطے میں رہیں، پروازوں کے شیڈول اور راستوں کے بارے میں حتمی فیصلہ ایئرلائنز کا اختیار ہے۔
دوسری جانب بھارت کی جانب سے حملے کے بعد پاکستان معمولاتِ زندگی بھرپور طریقے سے رواں دواں ہیں۔
بہاولپور میں بھارتی جارحیت کے باوجود عوام نے حملے کا نشانہ بننے والی مسجد میں نماز فجر ادا کی ہے۔
مرید کے میں صبح ہوتے ہی شہریوں نے اپنے کام کاج کا آغاز کیا اور دکانیں کھول لی ہیں، زندگی معمول کے مطابق رواں دواں ہے۔
