Thursday, April 17, 2025, 6:33 AM
**جیوری نے ٹرمپ کو تمام 34 جرائم میں قصور وار قرار دے دیا **سابق صدر ڈونلڈ ٹرمپ کے خلاف ’ہش منی‘ کیس میں جیوری نے انہیں قصوروار قرار دیا ہے **فیصلے کے بعد صدر ٹرمپ نے ٹرائل کو غیر شفاف قرار دیا **جج متعصبانہ رویہ رکھتے تھے؛ ڈونلڈ ٹرمپ **اس فیصلے کے خلاف اپیل میں جائیں گے؛ ڈونلڈ ٹرمپ **فرد جرم میں ڈونلڈ ٹرمپ کو 34 الزامات کا سامنا تھا
بریکنگ نیوز
Home » مالدیپ نے اسرائیلی سیاحوں کی آمد پر پابندی عائد کردی

مالدیپ نے اسرائیلی سیاحوں کی آمد پر پابندی عائد کردی

اسرائیلی سیاحوں پر پابندی ے فلسطینی عوام کے ساتھ ’مکمل اظہارِ یکجہتی‘ ہے؛ صدر

by NWMNewsDesk
0 comment

مالدیب نے فلسطینی عوام کے ساتھ ’مکمل اظہارِ یکجہتی‘ کے لیے اسرائیلی سیاحوں کے ملک میں داخلے پر پابندی عائد کردی ہے۔

مالدیپ کے صدر محمد معیزو نے پارلیمنٹ کی جانب سے منظور کی گئی قانون سازی کی فوری توثیق کردی ہے۔

صدر کے آفس کی جانب سے جاری بیان کے مطابق ’یہ پابندی اسرائیل کی جانب سے فلسطینی عوام کے ساتھ مسلسل روا رکھے جانے والے مظالم اور نسل کشی کے اقدامات کے خلاف حکومتی موقف کی عکاسی کرتی ہے۔‘

صدارتی ترجمان کا کہنا ہے کہ ’اسرائیلی سیاحوں پر اس پابندی کا اطلاق فوری طور پر ہوگا۔‘

banner

مالدیپ ایک ہزار 192 جزائر پر مشتمل ایک چھوٹا اسلامی جمہوری ملک ہے جو اپنے ویران سفید ریتیلے ساحلوں اور فیروزی رنگ کے پانی کی جھیلوں کے لیے جانا جاتا ہے۔

سرکاری اعدادوشمار کے مطابق رواں برس فروری میں 2 لاکھ 59 ہزار سیاح مالدیپ کی سیر کے لیے آئے جن میں صرف 59 اسرائیلی شامل تھے۔

مالدیپ نے اس سے قبل 1990 کی دہائی میں اسرائیلی سیاحوں کی آمد پر پابندی اٹھائی تھی اور 2010 میں تعلقات کی بحالی کی جانب قدم بڑھائے تھے۔

واضح رہے کہ اپوزیشن اور حکومت کی اتحادی پارٹیاں صدر محمد معیزو پر دباؤ ڈال رہی تھیں کہ غزہ کی جنگ کی مخالفت میں اسرائیلیوں پر پابندی لگائی جائے۔

اسرائیلی کی وزارت خارجہ نے گذشتہ برس اپنے شہریوں کو مالدیپ کا سفر کرنے سے منع کیا تھا۔

مزید پڑھیے

مضامین

بلاگز

 جملہ حقوق محفوظ ہیں   News World Media. © 2024