پیرس اولمپکس میں خواتین کے 50 کلوگرام فائنل مقابلے میں اوور ویٹ ہونے کی وجہ سے نااہل قرار دیے جانے پر بھارت کی ریسلر ونیش پھوگاٹ نے دلبرداشتہ ہو کر ریسلنگ سے ریٹائرمنٹ کا اعلان کر دیا۔
سماجی رابطے کی ویب سائٹ ایکس پر پیغام شیئر کرتے ہوئے بھارتی ریسلر نے مایوسی کا اظہار کرتے ہوئے اپنے پیغام میں لکھا کہ ماں! کُشتی جیت گئی، میں ہار گئی، میرے خواب اور میری ہمت ٹوٹ گئی، مجھ میں اب اور طاقت نہیں ہے۔
ونیش پھوگاٹ کے ہاتھوں سیمی فائنل میں شکست کا سامنا کرنا والی سارہ ہلڈیبرانڈٹ نے فائنل مقابلے میں کیوباکی یوزنیلیس گزمین لوپیز کو شکست دے کر گولڈ میڈل اپنے نام کیا ۔
ونیش پھوگاٹ نے اپنی نااہلی کے خلاف ثالثی عدالت (سی اے ایس) میں اپیل کی ہے اور مشترکہ طور پر چاندی کے تمغے سے نوازنے کا مطالبہ کیا ہے۔
مزید آزاں جمعرات کے روز ثالثی عدالت کی جانب سے پیرس میں اس فیصلے کا اعلان متوقع ہے۔
