Friday, February 7, 2025, 7:55 PM
**جیوری نے ٹرمپ کو تمام 34 جرائم میں قصور وار قرار دے دیا **سابق صدر ڈونلڈ ٹرمپ کے خلاف ’ہش منی‘ کیس میں جیوری نے انہیں قصوروار قرار دیا ہے **فیصلے کے بعد صدر ٹرمپ نے ٹرائل کو غیر شفاف قرار دیا **جج متعصبانہ رویہ رکھتے تھے؛ ڈونلڈ ٹرمپ **اس فیصلے کے خلاف اپیل میں جائیں گے؛ ڈونلڈ ٹرمپ **فرد جرم میں ڈونلڈ ٹرمپ کو 34 الزامات کا سامنا تھا
بریکنگ نیوز
Home » متحدہ عرب امارات میں غیرقانونی تارکین کے خلاف مہم

متحدہ عرب امارات میں غیرقانونی تارکین کے خلاف مہم

ویزے کی خلاف ورزیوں پر 6 ہزار غیرملکی گرفتار

by NWMNewsDesk
0 comment

متحدہ عرب امارات میں غیرقانونی تارکین کے لیے ایمنٹسی اسکیم 31 دسمبر 2024 کو ختم ہونے کے بعد 270 سے زیادہ کارروائیاں کی گئی ہیں۔

ویزے کی خلاف ورزیوں پر 6 ہزار سے زیادہ افراد کو حراست میں لیا گیا ہے۔

جنوری میں ’ایک محفوظ معاشرے‘ کے عنوان سے شروع کی جانے والی مہم کے دوران پکڑے گئے افراد کی امارات سے بے دخلی کا عمل جاری ہے۔

حکام کا کہنا ہے پکڑے گئے 93 فیصد افراد کی امارات سے بے دخلی کی کارروائی مکمل کرلی گئی۔

banner

یاد رہے دبئی میں ایسے غیرملکی جن کے اقامے یا ورک پرمٹ ایکسپائر ہو گئے تھے، حکومت کی جانب سے یکم ستمبر 2024 کو خصوصی مہلت کا اعلان کیا گیا تھا جو 31 اکتوبر تک تھی جس میں مزید تین ماہ کا اضافہ کیا گیا۔

مہلت کے دوران تارکین کو بغیر پابندی کے ملک چھوڑنے یا نیا  معاہدہ حاصل کرکے قانونی طور پر قیام کرنے کا موقع دیا گیا تھا۔ زیادہ تر افراد نے اپنی قانونی حیثیت کو درست کرایا ہے۔

فیڈرل اتھارٹی فار آئیڈینٹیٹی، سیٹیزن شپ، کسٹمز اینڈ پورٹ سکیورٹی کے ڈائریکٹر جنرل میجرجنرل سہیل سعید الخیلی کا کہنا ہے کہ مہم جاری رہے گی، اس کا مقصد ملک کے داخلہ اور ویزا قوانین کی خلاف ورزی کرنے والوں کی نشاندہی اور گرفتار کرنا ہے۔

مہم کے دوران خلاف ورزی کرنے والوں کے ساتھ انہیں پناہ دینے یا ملازمت دینے والے افراد پر بھی قانونی اقدامات اور جرمانے بھی عائد کیے جاتے ہیں۔

مزید پڑھیے

مضامین

بلاگز

 جملہ حقوق محفوظ ہیں   News World Media. © 2024