امریکی صدر ڈونلڈ ٹرمپ نے کہا ہے کہ اسرائیل اور دیگر ممالک کے ساتھ مشرق وسطیٰ کے معاملات پر بات چیت “آگے بڑھ رہی ہے”۔
ٹرمپ نے صحافیوں سے گفتگو کرتے ہوئے کہا، “بی بی (بنیامین نیتن یاہو) منگل کو آ رہے ہیں، اور میرے خیال میں ہمارے کچھ بہت اہم اجلاس شیڈول ہیں۔”
اسرائیلی وزیر اعظم بنیامین نیتن یاہو منگل کو امریکی صدر ڈونلڈ ٹرمپ سے ملاقات کریں گے، جہاں وہ حماس کے خلاف جنگ، ایرانی جارحیت کا مقابلہ کرنے اور عرب ممالک کے ساتھ سفارتی تعلقات کو وسعت دینے پر تبادلہ خیال کریں گے۔
نیتن یاہو پیر کو امریکی مشرق وسطیٰ کے ایلچی اسٹیو وٹکوف سے بھی ملاقات کریں گے۔
اس ملاقات کا مقصد اسرائیل اور حماس کے درمیان جنگ بندی اور دیگر علاقائی امور پر بات چیت کرنا ہے۔
نیتن یاہو کے دفتر کے مطابق، یہ ملاقات مشرق وسطیٰ میں قیام امن اور اسرائیل کے جنگ بندی مؤقف پر تبادلہ خیال کے لیے ہوگی۔
سرائیلی وزیر اعظم نیتن یاہو امریکی صدر ڈونلڈ ٹرمپ سے ملاقات کیلئے امریکہ روانہ ہوگئے۔
اسرائیلی وزیر اعظم نے روانگی سے قبل ایئر پورٹ پر میڈیا سے گفتگو کرتے ہوئے کہا کہ امریکی صدر ٹرمپ سے انتہائی اہم ملاقات کرنے جا رہا ہوں، ملاقات ہماری دوستی اور اسرائیل امریکہ تعلقات کی مضبوطی کا اشارہ ہے۔
انہوں نے کہا کہ ملاقات میں اسرائیل اور خطے کو درپیش اہم مسائل پر بات ہوگی، ہم نے مشرق وسطی ٰکا نقشہ تبدیل کردیا، صدر ٹرمپ سے مل کر مزید بہتری لائیں گے۔
