ٹرمپ کی امریکی میزائلوں سے روس پر یوکرینی حملوں پر تنقید

امریکہ کے نومنتخب صدر ڈونلڈ ٹرمپ نے یوکرین کی جانب سے امریکی میزائل روس کے خلاف استعمال کرنے پر سخت تنقید کی ہے

امریکی نو منتخب صدر نے ان خیالات کا اظہار ‘ٹائم میگزین’ کو دیے گئے ایک انٹرویو کے دوران کیا ہے۔

ٹرمپ نے انٹرویو میں کہا ‘یہ جنون ہے، میں اتفاق نہیں کرتا کہ اس طرح روس کے کئی میل اندر تک میزائلوں سے حملہ کیا جائے۔ ہم ایسا کیوں کر رہے ہیں۔

انھوں نے کہا کہ ایسا کر کے ہم جنگ کو بڑھاوا دے رہے ہیں اور صورتحال کو مزید بگاڑ رہے ہیں۔ ایسا کرنے کی اجازت نہیں دی جانی چاہیے ۔

انٹرویو میں ان کا کہنا تھا کہ امریکہ یوکرین کے حوالے سے اپنی پالیسی میں تبدیلی کرے گا۔

‘ٹائم میگزین’ نے نومنتخب امریکی صدر کو سال کی شخصیت قرار دیا ہے۔