امریکی صدر ڈونلڈ ٹرمپ نے برکس ممالک (بھارت، چین، روس، برازیل اور جنوبی افریقہ) کو سخت وارننگ جاری کرتے ہوئے بڑا اعلان کردیا۔
امریکی صدر ڈونلڈ ٹرمپ نے برکس ممالک کو خبردار کیا ہے کہ اگر وہ امریکی ڈالر کو بین الاقوامی تجارت کے لیے اہم کرنسی کے طور پر تبدیل کرنے کی کوشش کرتے ہیں تو ان کی برآمدات پر 100 فیصد ٹیرف عائد کریں گے
ٹرمپ نے یہ بیان اپنے سوشل میڈیا پلیٹ فارم ٹروتھ سوشل پر ایک پوسٹ میں دیا۔
ٹرمپ نے کہا کہ برکس ممالک امریکی ڈالر کی ہمیت کو کم کرنے کی کوششوں میں مصروف ہیں، اگر وہ نئی کرنسی کا اجراء یا کسی اور کرنسی کی حمایت کریں گے تو انہیں معاشی جرمانے کا سامنا کرنا پڑے گا۔
ٹرمپ کا کہنا تھا کہ برکس ممالک کی جانب سے اپنی کرنسی بنانے کا مقصد عالمی تجارت میں امریکی ڈالر پر انحصار کو کم کرنا ہے۔
روس اور چین پہلے ہی یوان اور دیگر مقامی کرنسیوں میں تجارت کر رہے ہیں اور اب یہ گروپ ایک مشترکہ کرنسی کے ذریعے امریکی ڈالر کی قدر کو کم کرنے کی سرگرمی کا حصہ ہیں۔
