امریکی صدر ڈونلڈ ٹرمپ کے چین، کینیڈا اور میکسیکو پر ٹیرف عائد کرنے پر مارکیٹس پر منفی اثرات مرتب ہوئے ہیں
کاروبار کے ابتدائی روز ایشیائی اسٹاک مارکیٹس میں شدید مندی دیکھی گئی۔
ہانگ کانگ کا ہینگ سینگ انڈیکس 0.4% نیچے رہا، جاپان کا نِکی 225 انڈیکس 2.6% کم ہوا، جنوبی کوریا کا کوسپِی 2.5% گرا، اور آسٹریلیا کا اے ایس ایکس 200 انڈیکس 1.8% نیچے آیا۔
چین کے مرکزی حصے میں مارکیٹس چینی سال نو کی تعطیلات کی وجہ سے بند رہیں۔
امریکی صدر کے اقدام کے بعد اشیائی مارکیٹس میں ڈالر کی قدر میں اضافہ ہوگیا ہے۔
امریکی ڈالر کے مقابلے میں چینی یوان اور کینیڈین ڈالر کی قدر میں بھی ریکارڈ کمی واقع ہوئی۔
ٹوکیو اور سیئول اسٹاک مارکیٹس میں 2 فیصد سے زائد گراوٹ دیکھی گئی، اس کے علاوہ سڈنی، سنگاپور اور ویلنگٹن میں بھی شدید مندی کا رجحان رہا۔
امریکی ڈالر کی طاقت میں اضافہ ہوا اور چین کے یوآن کے مقابلے میں امریکی ڈالر نے ایک نیا ریکارڈ قائم کیا ہے۔
کینیڈین ڈالر 2003 کے بعد اپنی کم ترین سطح پر آ گیا۔
یورو گزشتہ 2 سال سے زائد عرصے کی کم ترین سطح پرآگیا جب کہ مستحکم سمجھے جانے والے سوئنس فرینک کی قدر میں بھی کمی دیکھی گئی ہے۔