ٹی ٹوئنٹی ورلڈکپ میں جنوبی افریقہ نے دلچسپ مقابلے کے بعد بنگلہ دیش کو 4 رنز سے شکست دے دی۔
نیویارک میں کھیلے گئے ورلڈکپ کے 21 ویں میچ میں جنوبی افریقی کپتان نے ٹاس جیت کر پہلے بیٹنگ کا فیصلہ کیا۔
جنوبی افریقی ٹیم پہلے بیٹنگ کرتے ہوئے مقررہ 20 اوورز میں 6 وکٹ پر 113رنز بناسکی۔
جنوبی افریقہ کی جانب سے ہینرک کلاسن 46 رنز بنا کر نمایاں رہے۔
ڈیوڈ ملر نے 26 اور کوئنٹن ڈی کک نے 18 رنز بنائے۔
بنگلہ دیش کے تنظیم حسن نے 18رنز دےکر 3 وکٹیں حاصل کیں۔ تسکین احمد نے 2 اور رشاد حسین نے ایک کھلاڑی کو آؤٹ کیا۔
114 رنز کے ہدف کے جواب میں بنگلادیشی ٹیم مقررہ 20 اوورز میں 7 وکٹ پر 109رنز بناسکی۔
بنگلادیش کی جانب سے توحید ہرڈائے37 اور محمود اللہ 20 رنز بنا کر نمایاں رہے۔
جنوبی افریقہ کی جانب سے کیشو مہاراج نے 3 وکٹیں حاصل کیں۔ ان کے علاوہ اینرخ نورکیا اور ربادا نے دو، دو کھلاڑیوں کو آؤٹ کیا۔
