پاکستان میں سیاحت اور مہمان داری کے بڑھتے ہوئے شعبے میں تعلیمی ترقی اور مہارتوں کے فروغ کے لیے پاکستان ایجوکیشن انڈومنٹ فنڈ نے ہاشو اسکول آف ہاسپیٹیلٹی مینجمنٹ، اسلام آباد میں طلبہ کو مکمل اسکالرشپس جاری کی ہیں۔
بحرہ یونیورسٹی کیمپس میں منعقدہ تقریب میں حکومتی و نجی شعبے کے اہم رہنما، طلبہ اور ان کے والدین شریک ہوئے۔
وفاقی وزیر مملکت برائے تعلیم، محترمہ وجیہہ قمر نے کہا، “تعلیم اور مالی معاونت جب صنعت سے جڑی تربیت کے ساتھ ملتی ہے تو یہ ملک کی ترقی کی ضمانت بن جاتی ہے۔”
پاکستان ایجوکیشن انڈومنٹ فنڈ کے سی ای او نے اس بات پر زور دیا کہ “ہم پسماندہ علاقوں کے باصلاحیت طلبہ کے لیے مالی رکاوٹیں ختم کر کے انہیں بہتر مستقبل کی راہ دکھا رہے ہیں۔
ہاشو گروپ کے ایگزیکٹو ڈائریکٹر، حسیب اے گردیزی نے کہا “پاکستان میں ہاسپیٹیلٹی سیکٹر تیزی سے ترقی کر رہا ہے، اور ہمیں باصلاحیت افراد کی اشد ضرورت ہے۔ یہ شراکت داری پاکستان کو عالمی سطح پر ایک مہمان نواز ملک کے طور پر پیش کرے گی۔
تقریب کے اختتام پر منتخب طلبہ میں اسکالرشپس تقسیم کی گئیں، جو اپنے تعلیمی سفر کی شروعات کریں گے۔
