Friday, February 7, 2025, 2:10 PM
**جیوری نے ٹرمپ کو تمام 34 جرائم میں قصور وار قرار دے دیا **سابق صدر ڈونلڈ ٹرمپ کے خلاف ’ہش منی‘ کیس میں جیوری نے انہیں قصوروار قرار دیا ہے **فیصلے کے بعد صدر ٹرمپ نے ٹرائل کو غیر شفاف قرار دیا **جج متعصبانہ رویہ رکھتے تھے؛ ڈونلڈ ٹرمپ **اس فیصلے کے خلاف اپیل میں جائیں گے؛ ڈونلڈ ٹرمپ **فرد جرم میں ڈونلڈ ٹرمپ کو 34 الزامات کا سامنا تھا
بریکنگ نیوز
Home » پاکستان میں 800 ارب مالیت سونے کے ذخائر دریافت ہونے کا دعویٰ

پاکستان میں 800 ارب مالیت سونے کے ذخائر دریافت ہونے کا دعویٰ

سونے کے ذخائر اٹک میں 32 کلومیٹر طویل ایک پٹی پر دریافت ہوئے

by NWMNewsDesk
0 comment

پاکستان کے صوبہ پنجاب میں اٹک کے قریب 800 ارب مالیت کے 28 لاکھ تولہ سونے کے ذخائر موجود ہونے کا دعویٰ سامنے آیا ہے۔

حال ہی میں سماجی رابطے کی ویب سائٹ ایکس (سابق ٹوئٹر) پر پنجاب کے سابق نگران وزیر معدنیات ابراہیم حسن مراد نے ایک پوسٹ میں دعویٰ کیا کہ یہ سونے کے ذخائر اٹک میں 32 کلومیٹر طویل ایک پٹی پر دریافت ہوئے۔

ابراہیم حسن کی پوسٹ میں دعویٰ کیا گیا کہ اٹک میں 28 لاکھ تولہ سونا دریافت ہوا ہے، جس کی تصدیق 127 مقامات سے نمونے اکٹھے کرنے کے بعد جیولوجیکل سروے آف پاکستان نے کی ہے۔

ابراہیم مراد نے لکھا، ’یہ دریافت پنجاب کی معدنی دولت کی بے پناہ صلاحیت کی نشاندہی کرتا ہے، جو خطے کی اقتصادی ترقی میں اہم کردار ادا کر سکتی ہے۔ یہ سنگ میل آئندہ نسلوں کے لیے نئے مواقع کی راہ ہموار کرے گا۔

banner

پنجاب کے موجودہ وزیر معدنیات و کان کنی شیر علی گورچانی نے بھی پاکستان میں سونے کی دریافت کی تصدیق کی ہے۔

سردار شیر علی کے مطابق ’پاکستان کی حکومت جیولوجیکل سروے آف پاکستان کے ساتھ اس حوالے سے کام کر رہی ہے اور یہ ریسرچ پچھے ایک سال سے چل رہی ہے۔‘

وزیر معدنیات نے کہا تھا ’حکومت سونے کے ذخائر کا تخمینہ لگانے کے لیے نیس پاک جیسی فرمز کی مدد بھی حاصل کر سکتی ہے۔‘

کچھ دن قبل سردار شیر علی گورچانی نے اٹک کا دورہ بھی کیا تھا اور قیمتی وسائل کی حفاظت کے لیے قدم اٹھاتے ہوئے کان کنی کے مقامات سے چوری کو روکنے کے لیے علاقے میں حفاظتی انتظامات کو بڑھا دیا تھا۔

گورچانی نے یہ بھی انکشاف کیا کہ سونے کے ذخائر کی بین الاقوامی نیلامی ایک ماہ میں ہونے والی ہے۔

اگر دریائے سندھ میں سونے کے ان ذخائر کی دریافت درست ہے تو اس سے پاکستان کو معاشی طور پر اہم فوائد حاصل ہوسکتے ہیں۔ سونے کے ذخائر کی مالیت ملک کے مالیاتی منظر نامے کو نئی شکل دینے کی صلاحیت رکھتی ہے۔

مزید پڑھیے

مضامین

بلاگز

 جملہ حقوق محفوظ ہیں   News World Media. © 2024