رومن کیتھولک عیسائیوں کے روحانی پیشوا پوپ فرانسس کو آج ڈیڑھ ماہ بعد ہسپتال سے ڈسچارج کردیا جائے گا۔
رپورٹ کے مطابق پوپ فرانسس کا علاج کرنے والے ڈاکٹروں میں سے ایک نے کہا ہے کہ انہیں اتوار کو اسپتال سے ڈسچارج کر دیا جائے گا اور انہیں ویٹیکن میں دو ماہ آرام کی ضرورت ہوگی۔
پوپ فرانسس کو 14 فروری کو سانس کے شدید انفیکشن کے ساتھ اسپتال میں داخل کرایا گیا تھا جس کے لے علاج کی ضرورت ہے۔
ویٹیکن کا کہنا ہے کہ پوپ نے اتوار کو 5 ہفتوں میں پہلی مرتبہ روم کے جیمیلی ہسپتال میں اپنے کمرے کی کھڑکی سے نمودار ہوکر دعائیں دیں گے، جہاں وہ ڈبل نمونیا کے باعث زیرعلاج ہیں ۔
پوپ کو ان کے اسپتال میں قیام کے دوران عوام نے صرف ایک بار دیکھا ہے، ویٹیکن کی جانب سے گزشتہ ہفتے جاری کی گئی ایک تصویر میں پوپ کو اسپتال کے چیپل میں عبادت کرتے ہوئے دکھایا گیا ہے۔
پوپ فرانسس عام طور پر اتوار کو سینٹ پیٹرز اسکوائر پر ہفتہ وار دوپہر کی عبادت کرتے ہیں، تاہم 9 فروری کو اسپتال جانے کے بعد سے وہ اپنا یہ معمول انجام نہیں دے سکے ہیں۔
ویٹیکن کا کہنا ہے کہ پوپ اس اتوار کو عبادت نہیں کرپائیں گے، کیونکہ وہ ابھی نمونیا سے صحت یاب ہورہے ہیں، تاہم وہ سلام کرنے کے لیے کھڑکی پرآئیں گے۔
پوپ فرانسس کو پھیپھڑوں کے انفیکشن کا خطرہ رہتا ہے کیونکہ انہیں جوانی میں نمونیا ہوا تھا اور ان کے ایک پھیپھڑے کا کچھ حصہ نکال دیا گیا تھا۔
پوپ کے منصب پر فائز ہونے کے بعد 12 سال کے عرصے کے دوران ان کا اسپتال میں داخل ہونا ان کی صحت کے حوالے سے سب سے سنگین بحران ہے، اور 2013 میں پوپ بننے کے بعد انہیں عوام کی نگاہوں سے اوجھل ہوئے سب سے طویل عرصہ گزرچکا ہے۔
پوپ کی طبی حالت کے بارے میں ویٹیکن نے جمعے کو بتایا تھا کہ فرانسس سانس لینے میں مدد کے لیے ہائی فلو آکسیجن کا استعمال کم کر رہے ہیں۔
ایک سینئر کارڈینل نے جمعہ کو کہا کہ اسپتال میں قیام کے دوران آکسیجن استعمال کرنے کے بعد پوپ کو ’ دوبارہ بولنے کے قابل ہونے’ میں وقت لگ سکتا ہے۔
ویٹیکن کے چیف ڈاکٹرائن آفیشل کارڈینل وکٹر فرنانڈز نے کہا کہ پوپ بہتر ہو رہے ہیں، لیکن ہائی فلو آکسیجن ہر چیز کو خشک کر دیتی ہے، انہیں دوبارہ بولنا سیکھنے کی ضرورت ہوگی، لیکن ان کی مجموعی جسمانی حالت پہلے جیسی ہی ہے۔
