پہلی سیاہ فام ریپبلکن رکن کانگریس میا لو 3 سال تک دماغی کینسر سے لڑنے کے بعد 49 سال کی عمر میں انتقال کر گئیں۔
میا لو کے اہل خانہ نے لکھا کہ ’ہماری زندگیوں پر میا لو کے گہرے اثرات کے لیے دل شکر گزاری سے لبریز ہیں، ہم آپ کو بتانا چاہتے ہیں کہ وہ آج پرامن طریقے سے انتقال کر گئیں‘۔
میالو 6 دسمبر 1975 کو نیو یارک شہر میں ہیٹی کے تارکین وطن کے ہاں پیدا ہوئی تھیں۔
وہ 2003 میں ساراٹوگا اسپرنگز، یوٹاہ میں سٹی کونسل کی رکن منتخب ہوئیں اور پھر 2009 میں عالمی کساد بازاری کے دوران میئر منتخب ہوئی تھیں۔
2014 میں میا لو کانگریس کے لیے منتخب ہوئیں تھیں۔
ریاست یوٹاہ کی نمائندگی کرنے والی پہلی سیاہ فام ریپبلکن کانگریس وومن اور پہلی سیاہ فام قانون ساز تھیں۔
انہوں نے کانگریس میں 2015 سے 2019 تک یوٹاہ میں چوتھے کانگریشنل ڈسٹرکٹ کی نمائندگی کی، جہاں انہوں نے ایوان نمائندگان کی مالیاتی خدمات کی کمیٹی سمیت متعدد کمیٹیوں میں خدمات انجام دیں۔
2018 کے وسط مدتی انتخابات میں شکست کے بعد، میا لو ’سی این این‘ کے لیے ایک سیاسی مبصر بن گئیں اور 2020 کے الیکٹورل کالج میں یوٹاہ کے لیے رائے دہندگان کی حیثیت سے خدمات انجام دیں۔
سنہ 2022 میں ان میں دماغ کے ایک مہلک ٹیومر گلوبلاسٹوما کی تشخیص ہوئی تھی
