فیصل آباد میں میڈیا سے گفتگو کرتے ہوئے جمعیت علمائے اسلام (ف) کے سربراہ مولانا فضل الرحمان نے کہا کہ ساڑھے 3 سال میں پی ٹی آئی نے اسٹیٹ بینک کو آئی ایم ایف کے حوالے کردیا، پی ڈی ایم کی حکومت نے ڈیڑھ سال میں ملک کو دیوالیہ پن سے نکالا۔
جے یو آئی ف کے رہنماء کا کہنا ہے کہ پی ٹی آئی کو سیاست میں نہیں ہونا چاہئے، تحریک انصاف کے نظریات اور ایجنڈا پاکستان کیخلاف ہے۔
مولانا فضل الرحمان نے جنوری میں انتخابات کرانے کے اعلان پر تحفظات کا اظہار کردیا۔ کہتے ہیں کہ الیکشن کروانا الیکشن کمیشن کا کام ہے، جنوری میں بلوچستان اور خیبرپختونخوا کے بیشتر علاقوں کے لوگ ووٹ نہیں ڈال سکیں گے۔
انہوں نے کہا کہ نواز شریف کو واپسی پر خوش آمدید کہیں گے، نواز شریف کو واپس آنے اور سیاست کرنے کا حق ہے، نواز شریف کی واپسی پر ہم سے کوئی رابطہ نہیں، واپس آرہے ہیں تو کوئی پلان کرکے آرہے ہوں گے۔
