چین ہمارے اسٹریٹیجک انفرااسٹرکچر کی تیاری میں مدد کرے گا، سری لنکن وزیراعظم

سری لنکا کے وزیر اعظم دنیش گناوردینا نے بیجنگ میں اپنے ہم منصب کے ساتھ بات چیت کے بعد میڈیا سے گفتگو میں کہا چین نے ہمارے ملک کی اسٹریٹجک گہری سمندری بندرگاہ اور دارالحکومت کا ہوائی اڈہ تیار کرنے کا وعدہ کیا ہے۔

انھوں نے کہا کہ وزیر اعظم لی چیانگ نے وعدہ کیا ہے کہ چین، سری لنکا کے قرضوں کی مدت میں توسیع اور شرح سود کو ایڈجسٹ کرنے میں معاونت کرے گا۔

سری لنکن وزیر اعظم نے کہا کہ بیجنگ نے کولمبو بین الاقوامی ہوائی اڈے اور ہمبنٹوٹا بندرگاہ کی توسیع اور ترقی میں مدد کی پیشکش کی ہے۔

جاپان کی فنڈنگ سے کولمبو کے ہوائی اڈے کی توسیع سری لنکا کے قرضوں کے ڈیفالٹ کے بعد سے رکی ہوئی ہے۔