ڈونلڈ ٹرمپ نے 7 اکتوبر کے اسرائیلی یرغمالیوں کی فوری رہائی کا مطالبہ کر دیا۔
نومنتخب امریکی صدر ڈونلڈ ٹرمپ نے کہاکہ اسرائیلی یرغمالیوں کو رہا نہ کیا گیا تو اس کی بھاری قیمت ادا کرنا پڑے گی، وہ لوگ جو انسانیت کیخلاف مظالم کے مرتکب ہو ئے اُنہیں اس کی قیمت چکانا ہو گی۔
ٹرمپ کا مزید کہنا تھا کہ ذمہ داروں کو ایسا سبق سکھائیں گے کہ امریکی تاریخ میں اس کی مثال نہیں ملے گی۔
نو منتخب امریکی صدر کا کہنا تھا کہ اس سب کے ذمہ داروں کو ایسا سبق دیا جائے گا جیسا پہلے کبھی امریکی تاریخ میں نہیں دیا گیا، یرغمالیوں کو فوری رہا کیا جائے۔
اس سے قبل غزہ میں اسرائیلی یرغمالیوں سے متعلق اپنے ایک بیان میں حماس کا کہنا تھا کہ غزہ میں اسرائیل کی 14 ماہ کی جنگ میں 33 یرغمالی ہلاک، کچھ لاپتا ہوچکے ہیں۔ اسرائیل اپنی احمقانہ جنگ سے یرغمالیوں کو ہمیشہ کیلئے کھو سکتا ہے۔
حماس کی جانب سے جاری بیان میں کہا گیا کہ اسرائیل کو یرغمالیوں کیلئے جو کچھ کرنا ہے کرلے اس سے پہلے کہ بہت دیرہو جائے۔
