بھارت میں پولیس کانسٹیبل کی ملازمتوں کے لئے فزیکل ٹیسٹ کے دوران بارہ امیدوار زندگی کی بازی ہار گئے
ہلاک ہونے والے یہ نوجوان ان پانچ لاکھ امیدواروں میں شامل تھے جو سرکاری محکمہ ایکسائز میں کانسٹیبل کے طور پر اعلان کی گئی صرف 583 ملازمتوں کے لیےٹیسٹ دے رہے تھے ،یعنی ایک ملازمت کے لیے 850 سے زیادہ افراد امیدوار تھے ۔
بھرتی کے اس واقعے میں بھارتی ریاست جھارکھنڈ میں گزشتہ دو ہفتوں میں 12 افراد 10 کلو میٹر کی اس ریس میں دوڑتے دوڑتے 12 بے روزگار زندگی کی دوڑ ہار گئے۔
بھارتی ڈاکٹروں کی ایک ٹیم نے بھی اسی جانب اشارہ کیا ہے دوڑ کی وجہ سے درخواست گزاروں کا پہلے بلڈ پریشر کم ہوا اور پھر انہیں ڈی ہائیڈریشن کا ایشو ہو گیا، جو بعد ازاں دل کی دھڑکن رکنے کا سبب بن گیا۔
ریاست جھارکھنڈ کے وزیر اعلیٰ ہیمنت سورین نے ان اموات کو اندوہناک قرار دیا اور ماہرین صحت کو حکم دیا کہ وہ ان نوجوانوں کی بے وقت موت کی چھان بین کریں کریں تاکہ مستقبل میں ایسے واقعات پیش نہ آئیں۔
ریاستی پولیس کے سربراہ انوراگ گپتا نے ہلاکتوں کی تصدیق کرتے ہوئے کہا کہ تحقیقات شروع کر دی گئی ہیں۔ بھرتی مہم کے سلسلے کو فی الحال روک دیا گیا ہے۔
جھارکھنڈ بھارت کی ان چند ریاستوں میں شامل ہے جہاں بے روزگاری اور غربت کی شرح سب سے زیادہ ہے ۔
ورلڈ بینک کے مطابق، گزشتہ سال بھارت میں 15 سے 24 سال کی عمر کے نوجوانوں میں بے روزگاری کی شرح 23.2 فیصد رہی۔
