کانگو میں لوگوں سے بھری کشی ڈوب گئی، 38 ہلاک

کانگو میں دریائے بسیرا پر کرسمس کے لیے گھروں کو لوٹنے والے لوگوں سے بھری ایک کشتی الٹنے کے نتیجے میں 38 افراد ہلاک ہوگئے۔

حکام اور عینی شاہدین نے بتایا کہ شمال مشرقی کانگو میں دریائے بسیرا میں واقعہ پیش آیا اور 100 سے زائد لاپتہ ہونے کی تصدیق ہو گئی۔

حکام کے مطابق اب تک بیس افراد کو بچا لیا گیا ہے۔

حادثے کی جگہ سے پہلے دریا پر واقع آخری قصبے انگینڈے کے میئر جوزف جوزف کینگولنگولی نے کہا کہ مسافر بنیادی طور پر کرسمس کے لیے گھر لوٹنے والے تاجر تھے۔

مقامی رہائشی کے مطابق بدنصیب فیری میں 400 سے زیادہ لوگ سوار تھے، امکان ہے کہ ہلاک ہونے والوں کی تعداد میں غیرمعمولی اضافہ ہوگا۔

اس سے قبل اکتوبر میں کم از کم 78 افراد ڈوب گئے تھے۔ جون میں کنشاسا کے قریب اسی طرح کے ایک حادثے میں 80 افراد اپنی جان سے ہاتھ دھو بیٹھے۔