کرپشن کے الزام میں گرفتار تھائی لینڈ کے سابق وزیراعظم تھاکسن پرول پر رہا

تھائی لینڈ کے سزا یافتہ سابق وزیراعظم تھاکسن کو پرول پر رہا کر دیا گیا ہے۔

تھائی لینڈ کے سابق وزیراعظم کرپشن کے الزام میں 6 ماہ سے قید تھے، انہیں بیماری کے باعث اسپتال میں رکھا گیا تھا۔

سابق وزیراعظم اب اسپتال سے بنکاک میں اپنے گھر منتقل ہوگئے ہیں۔ تھائی لینڈ کی حکومت نے گزشتہ ہفتے کہا تھا کہ 74 سالہ سابق وزیراعظم اپنی عمر اور صحت کی وجہ سے جلد رہائی کے اہل ہیں۔

تھاکسن پر 2001ء تا 2006ء کے دوران اقتدار کے غلط استعمال اورکرپشن کا الزام تھا۔ تھاکسن 16 سال کی خود ساختہ جلاوطنی کے بعد اگست میں تھائی لینڈ واپس آئے تھے جس کے بعد انہیں حراست میں لے کر 8 سال کی سزا سنائی گئی تھی۔