53
واشنگٹن: امریکی صدر جوبائیڈن نے ٹرمپ کو نااہل قرار دیے جانے کے فیصلے پر ردعمل کا اظہار کیا ہے۔
امریکی ریاست کولوراڈو میں ٹرمپ کی نااہلی کے فیصلے پر صدر جو بائیڈن نے کہا کہ کوئی شک نہیں کہ ٹرمپ نے بغاوت کی حمایت کی۔
واضح رہے کہ کولوراڈو کی سپریم کورٹ نے کیپیٹل ہل پر حملے میں سابق صدر ٹرمپ کو ملوث قراردیتے ہوئے ریاست سے صدارتی الیکشن لڑنے کے لئے نا اہل قرار دیا تھا۔
امریکی تاریخ میں یہ پہلا موقع ہے کہ کسی عدالت نے صدارتی امیدوار کو 1868 کی شق کے تحت نااہل قرار دیا ہو۔
ڈونلڈ ٹرمپ کے ترجمان نے فیصلے کو ‘غیر جمہوری’ قرار دیتے ہوئے فیصلے کے خلاف امریکی سپریم کورٹ میں اپیل کرنے کا اعلان کر دیا۔
